តែងតាំងព្រះអនុគណថ្មី (ខណ្ឌដង្កោ)

កាលពី ថ្ងៃចន្ទ ទី០៩ ខែឧសភា ឆ្នាំ២០១១ ក្នុងជម្ពូវ័ន បានប្រារព្ធពិធីតែងតាំងព្រះអនុគណថ្មី បន្ទាប់ពី ព្រះគ្រូសុមេធវង្ស អឿ សំអាន បានអនិច្ចធម្ម។

ព្រះគ្រូសុមេធធានី វ៉ង់ គឹមសន ត្រូវបានតែងតាំងជាព្រះអនុគណខណ្ឌដង្កោ និងជាព្រះចៅអធិការវត្តជម្ពូវ័ន ក្រោមព្រះរាជអធិបតី​ភាពដ៏ខ្ពង់ខ្ពស់ សម្តេចព្រះមហាសុមេធាធិបតី នន្ទ ង៉ែត​ សម្តេចព្រះសង្ឃនាយកនៃព្រះរាជាណាចក្រកម្ពុជា និង

• សម្តេចព្រះអរិយវង្ស សៅរ៍ ចន្ទថុល្ល ព្រះអនុគណខណ្ឌ៧មករា រាជធានីភ្នំពេញ
• ព្រះមហា ផាន់ ចាន់តារា ធម្មធរគណរាជធានីភ្នំពេញ
• លោក ផន ដាវី ប្រធានមន្ទីរធម្មការ និងសាសនារាជធានីភ្នំពេញ
• លោក គិត សុផា អភិបាល នៃគណៈ អភិបាលខណ្ឌដង្កោ

និងព្រះចៅអធិការគ្រប់វត្តក្នុងខណ្ឌដង្កោ ព្រមទាំងព្រះសង្ឃ និងពុទ្ធបរិស័ទទាំងពីរវត្ត (វត្តពោធិ៍ចិនតុង និងវត្តជម្ពូវ័ន)

សម្តេចព្រះមហាសុមេធាធិបតី ប្រទានប្រកាសនីយបត្រ


សម្តេចព្រះមហាសុមេធាធិបតី ប្រទានត្រា

ព្រះមហា ផាន់ ចាន់តារា ព្រះធម្មធរគណ រាជធានីភ្នំពេញ បាននិមន្ដឡើងអានប្រកាសនីយបត្រ ដែលត្រូវបានតែងតាំង

ព្រះសមុហ៍ ពោធិមុនី​ វ៉ង់ គឹមសន  ជាព្រះសមុហ៍អនុគណ ខណ្ឌដង្កោ និងជាព្រះចៅអធិការ​ វត្តពោធិ៍ចិនតុង ឱ្យឡើងជា
ព្រះគ្រូសុមេធធានី វ៉ង់ គឹមសន ជាព្រះអនុគណ  ខណ្ឌដង្កោ និងជាព្រះចៅអធិការ វត្តជម្ពូវ័ន ចាប់ពី
ថ្ងៃចន្ទ ទី០៩ ខែឧសភា ឆ្នាំ២០១១ នេះតទៅ។

ខាងក្រោមនេះរូបភាព នៅថ្ងៃដែលប្រារព្ធពិធីតែងតាំងព្រះអនុគណខណ្ឌដង្កោថ្មី

ពុទ្ធបរិស័ទគោរពទង់ជាតិ       

 
ព្រះសង្ឃ​ និងពុទ្ធបរិស័ទគោរពបទសារភញ្ញ

ព្រះមហា ផាន់ ចាន់តារា ព្រះធម្មធររាជធានីភ្នំពេញ

សម្តេព្រះមហាសុមេធាធិបតី ប្រទាន ជយន្តោ ដល់ព្រះគ្រូសុមេធធានី

 សម្តេចព្រះមហាសុមេធាធិបតី យាងនិមន្ដទៅវិញ

 ពេលចប់កម្មវិធី